Kristinn Guðbrandsson er hættur sem þjálfari Skallagríms í 3. deildinni en þetta staðfesti Gísli Einarsson í stjórn knattspyrnudeildar í samtali við Fótbolta.net í dag. Borgnesingar sitja á botni 3. deildar í augnablikinu með sex stig en eitt stig er upp í öruggt sæti.
„Hann hættir af persónulegum ástæðum. Það eru vonbrigði en við virðum það að sjálfsögðu og þökkum honum fyrir vel unnin störf. Hann er góður drengur að hafa í samskiptum við og við munum sakna hans," sagði Gísli Einars við Fótbolta.net í dag.
Næsti leikur Skallagríms er gegn Einherja á útivelli á laugardag en liðið verður væntanlega komið með nýjan þjálfara fyrir þann tíma.
„Það er verið að bíða eftir svari frá ákveðnum aðila. Stefnan er sem fyrr að halda sér í deildinni og gera það með sóma. Ég tel að við séum með hörkulið en þetta hefur ekki dottið með okkur," sagði Gísli.
Skallagrímur komst upp úr 4. deildinni í fyrra en Kristinn tók við þjálfun liðsins síðastliðið haust af Yngva Borgþórssyni.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir