Aga- og úrskurðarnefnd KSÍ hefur vísað kærum KR og Fram frá eftir að KSÍ ákvað að hætta keppni á Íslandsmótinu og í Mjólkurbikarnum.
KR missti af Evrópusæti í karlaflokki en liðið var í 5. sæti í Pepsi Max-deilinni þegar leik var hætt og í undanúrslitum í Mjólkurbikarnum. Kvennalið KR féll úr Pepsi Max-deildinni.
Fram endaði í 3. sæti í Lengjudeildinni á markatölu eftir að keppni var hætt þegar tvær umferðir voru eftir.
KR og Fram ákváðu að fara með málið fyrir aga- og úrskurðarnefnd og vildu að ákvörðun KSÍ um að hætta keppni yrði felld úr gild.
Aga- og úrskurðarnefnd KSÍ hefur nú tilkynnt að málunum hafi verið vísað frá.
KR og Fram geta farið með málin fyrir áfrýjunardómstól KSÍ en félögin hafa þrjá daga til þess.
Athugasemdir
