Evrópufótboltanum er að ljúka þetta tímabilið og það er stór hópur leikmanna sem eru samningslausir eða að renna út á samning á næstu vikum. Menn sem hafa framtíðina í lausu lofti. Daily Mail setti saman úrvalslið leikmanna sem falla í þennan flokk.
Markvörður: Pepe Reina (Napoli) - Þessi 35 ára Spánverji hefur haldið markinu hreinu 18 sinnum í 36 deildarleikjum. Napoli veitti Juventus samkeppni um titilinn lengi vel en þurfti að játa sig sigrað á endanum. Talað um að hann fari til AC Milan en ekkert hefur verið staðfest.
Vörn: Giorgio Chiellini (Juventus) - Einn öflugasti miðvörður síðustu ára. 33 ára og er enn í flottu standi. Gæti verið áfram hjá Ítalíumeisturunum en hefur verið orðaður við Chelsea.
Vörn: Andrea Barzagli (Juventus) - 37 ára en spilaði 37 leiki á tímabilinu. Enn nóg á tanknum. Líklegast að hann geri á endanum nýjan samning við Juve.
Vörn: Kwadwo Asamoah (Juventus) - Varnartríó frá Juve. Síðastur þar er 29 ára Ganverji. Vinstri bakvörður sem hefur verið sterklega orðaður við Inter eftir takmarkaðan spiltíma á þessu tímabili.
Miðja: Emre Can (Liverpool) - Juventus þemað heldur áfram. Talið er líklegt að Can fari til Juve í sumar eftir fjögur ár hjá Liverpool. Varð fyrir áfalli í vikunni þegar hann var ekki valinn í HM hóp Þýskalands.
Miðja: Marouane Fellaini (Manchester United) - Elskaður eða hataður. Líklegt er að Belginn fari frá United eftir fimm ára dvöl. Jose Mourinho vill þó halda honum. AC Milan er í hópi áhugasamra.
Miðja: Yohan Cabaye (Crystal Palace) - Þessi 32 ára franski miðvörður hjálpaði Crystal Palace að halda sér í ensku úrvalsdeildinni. Palace vill halda honum en mögulegt er að hann telji rétt að breyta til.
Miðja: Jack Wilshere (Arsenal) - Hefur átt meiðslahrjáðan feril en sýndi á þessu tímabili að hann hefur enn mikið fram að færa. Arsenal hefur boðið honum nýjan samning.
Miðja: Yaya Toure (Manchester City) - Kveður City eftir fimm Englandsmeistaratitla. Hefur væntanlega enn eitthvað að gera í ensku úrvalsdeildina en líklegt er að hann fari til Bandaríkjanna eða Kína.
Sókn: Fernando Torres (Atletico Madrid) - Nýbakaður Evrópudeildarmeistari. Mest látinn koma inn af bekknum á þessu tímabili og allt bendir til þess að hann haldi annað, 34 ára.
Sókn: Mario Balotelli (Nice) - Hefur staðið sig vel á frönsku riveríunni og skorað 26 mörk í 37 leikjum. Spennandi að sjá hvert Balotelli fer en í viðtali í dag sagði hann að allt væri óráðið.
Athugasemdir
