Mamic er gríðarlega umdeildur í heimalandinu. Mamic er sakaður um að hafa svindlað pening út úr Zagreb með reglulegu millibili og sérstaklega þegar dýrir leikmenn voru seldir.

Modric var seldur frá Dinamo Zagreb til Tottenham á 16 milljónir punda árið 2008, en hann er í dag hjá Real Madrid.

Króatíski landsliðsfyrirliðinn hefur áður talað um Mamic og umdeild hegðun hans, en fyrir rétti breytti hann vitnisburði sínum. Modric bar við minnisleysi, en það hefur vakið mikla reiði í heimalandinu.

Modric hefur á skömmum tíma breyst úr hetju í skúrk og nú kalla margir eftir því að fyrirliðabandið verði tekið af honum.

Hann var fyrirliði þegar Króatía tapaði gegn Íslandi á Laugardalsvelli á dögunum. Modric hrósaði Íslandi eftir leikinn.