KR mætir í dag Flora í Tallin í 2. umferð forkeppni Evrópudeildarinnar. Sigra þarf í þessari umferð og næstu tveimur til að komast í riðlakeppni Evrópudeildarinnar.

Flora varð meistari í Eistlandi á síðustu leiktíð og er langefst í deildinni þessa stundina, einungis tapað fimm stigum. Sigri KR í leiknum mætir liðið sigurvegaranum úr viðureign Linfield og Floriana.

KR hefur tapað fjórum af sex síðustu leikum sínum í öllum keppnum. Liðið tapaði m.a. 6-0 gegn Celtic í forkeppni Meistaradeildarinnar og 1-2 gegn Stjörnunni í síðasta deildarleik. Mikið er í húfi fyrir íslenska knattspyrnu því ef KR tapar og önnur úrslit fara á versa veg gæti það farið svo að Ísland missi eitt af fjórum Evrópusætum sínum og eftir verði einungis þrjú.

Auk KR eru fleiri Íslendingalið í eldlínunni í dag. Alls eru sjö Íslendingalið í eldlínunni: Astana, FCK, Bodo/Glimt, BATE, AGF, Viking og Malmö.