Freysteinn Ingi, sem getur bæði leikið sem kantmaður og sem fremsti sóknarmaður, á að baki 22 leiki með meistaraflokki Njarðvíkur og 12 leiki með yngri landsliðum Íslands þrátt fyrir ungan aldur.

Freysteinn Ingi, sem er 16 ára, æfði með sterku liði FC Köln U19 en liðið er ríkjandi þýskur bikarmeistari auk þess sem tveir leikmenn liðsins urðu heimsmeistarar með U17 liði Þýskalands á síðasta ári.

„Æfingavikan gekk mjög vel og hefur FC Köln þegar lýst yfir áhuga á að fá Freystein Inga aftur í heimsókn áður en tímabilinu í Þýskalandi lýkur í maí," segir í frétt Njarðvíkur um leikmanninn efnilega.

„Knattspyrnudeildin óskar Freysteini til hamingju með tækifærið hjá FC Köln síðustu vikuna."