Sanches spilaði feykivel með Lille í frönsku deildinni á síðasta tímabili er liðið varði meistari og þá var hann með skemmtilega takta fyrir portúgalska landsliðið á Evrópumótinu í sumar.

Stórlið í Evrópu renna hýru auga til hans en Jorge Mendes, umboðsmaður leikmannsins, hefur boðið Barcelona að fá hann í sumar.

Barcelona gæti fengið hann á láni og keypt hann svo ári síðar en hann er þó ekki fremstur í röðinni hjá spænska félaginu. Það kæmi sér þó vel að næla í gæðaleikmann á láni miðað við fjárhagsstöðu þeirra.

Miklar breytingar eru innan herbúða Börsunga og er verið að vinna að því að laga fjárhaginn. Lionel Messi mun skrifa undir nýjan samning á næstu dögum en laun hans munu lækka um helming og þá eru margir leikmenn á útleið.