Hann vildi ekki ræða stöðu bólusetninga meðal leikmanna sinna en ferðamenn sem fara til Singapúr, þar sem Palace spilaði gegn Liverpool á föstudag, þurfa að vera fullbólusettir. Svipaðar reglur gilda í Ástralíu.

„Það er auðvitað slæmt að þurfa að skilja svona marga leikmenn eftir," segir Vieira en Palace mætir Manchester United í æfingaleik í Melbourne á morgun.

„Það eru mismunandi ástæður fyrir því að leikmenn ferðuðust ekki með. Við ætlum ekki að tala um stöðu hvers leikmanns eða hverjir eru bólusettir og hverjir ekki. Sumir leikmannana voru eftir því þeir hafa verið að glíma við meiðsli og eru ekki klárir."

Vieira vill styrkja leikmannahóp sinn fyrir komandi tímabil í ensku úrvalsdeildinni.