West Ham er komið áfram í enska bikarnum þrátt fyrir tap gegn Brighton í kvöld.
Dagný Brynjarsdóttir byrjaði á bekknum en kom inn á sem varamaður á 55. mínútu.
Staðan var markalaus eftir 90 mínútur og var farið beint í vítaspyrnukeppni.
West Ham klikkaði á öllum sínum spyrnum á meðan Brighton skoraði úr öllum og vann 3-0. Um er að ræða riðlakeppni en West Ham vann riðilinn og er því komið áfram.
Olympíakos og PAOK eru komin áfram í undanúrslit gríska bikarsins en Olympíakos lagði Aris 1-0. Ögmundur Kristinsson var á bekknum í dag.
Sverrir Ingi Ingason lék allan leikinn fyrri PAOK sem vann Panathinaikos 2-0. Hörður Björgvin Magnússon hefur ekki verið í hóp hjá Panathinaikos í undanförnum leikjum.
Þá spilaði Lyngby æfingaleik gegn Kalmar en það er vetrarfrí í sænsku og dönsku deildinni en þær byrja ekki að rúlla fyrr en í næsta mánuði. Sævar Atli Magnússon skoraði fyrsta mark Lyngby snemma leiks í 3-0 sigri.
