Sindri Snær Jensson.
Markvörðurinn Sindri Snær Jensson lagði hanskana á hilluna í vetur en hann var varamarkvörður hjá KR í sex ár.
Í samtali í hlaðvarpsþættinum Steve Dagskrá sagði Sindri að hann væri KR-ingur í dag þó Þróttur sé hans uppeldisfélag.
Í samtali í hlaðvarpsþættinum Steve Dagskrá sagði Sindri að hann væri KR-ingur í dag þó Þróttur sé hans uppeldisfélag.
„Krafan um árangur er eitthvað sem ég dýrkaði hjá KR. Ég kem úr Þrótti en með fullri virðingu þá er það smá lúseraklúbbur. Ef við töpuðum þar þá var bara sagt að þetta kæmi næst. Í KR er bara gaur að öskra á mig á bílastæðinu af hverju ég hafi ekki varið þetta skot. Fólk er reitt," sagði Sindri.
Þessi ummæli féllu í grýttan jarðveg hjá einhverjum Þrótturum og segir Sindri á Twitter að orðaval sitt hafi verið illa ígrundað.
„Ég ber miklar taugar til Þróttar og þykir vænt um félagið, orðavalið var illa ígrundað. Það er gott starf unnið í Laugardalnum en mér hefur þótt vanta upp á ýmislegt," segir Sindri.
Í @stevedagskra lét ég orð falla um mitt uppeldisfélag Þrótt. Ég ber miklar taugar til Þróttar og þykir vænt um félagið, orðavalið var illa ígrundað. Það er gott starf unnið í Laugardalnum en mér hefur þótt vanta upp á ýmislegt. Köttararnir hafa alltaf verið framúrskarandi.
— Sindri Snær Jensson (@sindrijensson) February 19, 2020
Þróttarar eiga að taka orð Sindra sem hvatningu og láta verkin tala. Full ástæða til. Nema fólk sé sátt við að meistaraflokkur karla sé í fallbaráttu í B deildinni. Ég er það ekki. https://t.co/FtNmpQis4d
— Jón Kaldal (@jonkaldal) February 19, 2020
Athugasemdir
