Kobbie Mainoo mætti í gær á sína fyrstu æfingu með A-landsliði Englands eftir að Gareth Southgate kallaði hann upp í hópinn.
Þessi 18 ára gamli leikmaður hefur farið á kostum með Man Utd undanfarnar vikur.
Þessi 18 ára gamli leikmaður hefur farið á kostum með Man Utd undanfarnar vikur.
Mainoo hefur komið eins og stormsveipur inn í lið United á þessu tímabili en það vakti hörð viðbrögð þegar hann var ekki valinn í enska landsliðið í síðustu viku. Eftir að hann spilaði frábærlega gegn Liverpool í FA-bikarnum þá ákvað Gareth Southgate að kalla hann upp í A-landsliðið.
Mainoo er orðinn gríðarlega vinsæll á meðal stuðningsmanna Man Utd og eru miklar vonir bundnar við hann fyrir framtíðina. Það hefur verið mikið rætt og skrifað um þennan efnilega leikmann síðustu vikur en The Athletic skrifaði langa grein um uppgang hans í gær. Eftir að greinin var birt þá skrifaði fréttamaðurinn Daniel Taylor áhugaverða færslu á samfélagsmiðla þar sem hann greindi frá því að Manchester City sæi mikið eftir því að hafa misst af Mainoo.
„Aðili hjá Manchester City sagði mér nýverið að þeir sem sjá um akademíuna hjá félaginu - þeir sem finna hæfileikaríka leikmenn fyrir City og hafa gert það í mörg ár - líti á Kobbie Mainoo á 'þann sem slapp' - meira en nokkurn annan. Þessi strákur er einstakur," skrifaði Taylor og er vel hægt að taka undir það.
Someone at Man City told me recently their academy staff - the talent-spotters and local guys who have been there years - rated Kobbie Mainoo as 'the one who got away' more than any other.
— Daniel Taylor (@DTathletic) March 19, 2024
The lad's special. Gonna be a big player for MUFC. And now an England call-up too ?? https://t.co/cVJ56UD8KU
Athugasemdir