Arsenal tekur á móti PSV Eindhoven í eina leik dagsins í Evrópudeildinni.
Fresta þurfti upprunalegu viðureign liðanna vegna jarðarfarar Elísabetar drottningar sem lést í september.
Mikið umstang var í kringum jarðarförina í London og ekki hefði verið hægt að tryggja öryggi almennings ef leikurinn hefði einnig farið fram.
Arsenal hefur farið vel af stað í riðlakeppninni og er með fullt hús stiga eftir þrjár umferðir. PSV er með sjö stig eftir jafntefli við Bodö/Glimt í fyrstu umferð.
Það verður áhugavert að fylgjast með hinum eftirsótta Cody Gakpo, sem Manchester United, Leeds og Southampton reyndu öll að kaupa í sumar, þegar hann mætir á Emirates leikvanginn í dag.
Leikur dagsins:
17:00 Arsenal - PSV Eindhoven
Athugasemdir