Saka, sem hefur verið einn besti maður Arsenal á tímabilinu, var að glíma við meiðsli er hann kom til móts við hópinn og hefur ekkert getað æft en hann ákvað í samráði við teymi landsliðsins að hann myndi snúa aftur til Arsenal í endurhæfingu.

„Bukayo Saka hefur yfirgefið enska landsliðshópinn og snúið aftur til félagsins þar sem hann mun halda áfram í endurhæfingu. Arsenal-maðurinn mætti á St. George's Park meiddur og hefur ekkert getað tekið þátt í æfingum. Ekki er gert ráð fyrir frekari breytingum á 25-manna landsliðshópi Englands, sem heldur áfram að undirbúa sig fyrir landsleiki gegn Brasilíu og Belgíu,“ segir í yfirlýsingunni.

Þetta er mikið áhyggjuefni fyrir Arsenal, sem er sem stendur á toppnum, þegar tíu umferðir eru eftir af deildinni.

Saka hefur komið að 21 marki í deildinni og kemur vel til greina sem leikmaður ársins þetta tímabilið.