Aron er á leið í aðgerð næsta miðvikudag, þetta staðfesti hann við Fótbolta.net.

„Það er brot í hnéskelinni sem þarf að festa saman og það þarf líka að festa hnéskelina betur. Það er talað um 10-12 vikur í endurhæfingu," sagði Aron Birkir í morgun. Það er því sennilegt að Aron Birkir verði frá út júlí en gæti, ef endurhæfingin gengur vel, verið klár í ágúst.

Auðunn Ingi Valtýsson, sem er á elsta ári í 2. flokki, varði mark Þórsara í gær og stóð sig vel. Það er óljóst hvort Þórsarar ætli að fá inn markvörð.

Þór mætir Magna í Mjólkurbikarnum eftir rúma viku og viku eftir það mætir liðið Gróttu í fyrstu umferð Lengjudeildarinnar.


Auðunn Ingi í leiknum í gær - Jói, þetta er peysutog.