UEFA hefur borgað stuðningsmönnum Liverpool skaðabætur sem slösuðust í troðningi fyrir leik liðsins gegn Real Madrid í úrslitum Meistaradeildarinnar í París árið 2022.
Það var mikill troðningur fyrir leikinn og franska lögreglan beitti táragasi á stuðningsmenn Liverpool fyrir leikinn sem frestaðist um rúmlega hálftíma þar sem stuðningsmenn komust ekki inn á völlinn.
UEFA og lögreglan kenndu miðalausum stuðningsmönnum fyrst um sinn um atvikið en UEFA baðst afsökunnar nokkrum dögum eftir atvikið.
Nú hefur komið í ljós að UEFA ber aðalábyrgð á þessu og hefur borgað fjölda stuðningsmanna Liverpool skaðabætur en upphæðin mun ekki vera gefin upp.
Athugasemdir
