Rosengard tók á móti Pitea í sænsku úrvalsdeild kvenna í dag.

Glódís Perla Viggósdóttir var að venju í byrjunarliði Rosengard. Rosengard sigraði leikinn með einu marki gegn engu. Caroline Seger skoraði eina mark leiksins, en Rosengard hafði klúðrað vítaspyrnu fyrr í leiknum.

Rosengard er í efsta sæti með fimm stiga forystu á toppi deildarinnar, með fullt hús stiga, eftir sex umferðir. Þær mæta AIK sem Hallbera Guðný Gísladóttir spilar með, í næstu umferð deildarinnar.