Fótboltamaðurinn Gerard Pique og tónlistarkonan Shakira eru stödd á Íslandi í fríi.
Samkvæmt Mundo Deportivo ferðaðist parið til Íslands í gær. Þessa stundina er auðveldara að ferðast til Íslands en margra annarra landa vegna kórónuveirufaraldursins.
Pique og félagar hans í Barcelona áttu erfitt tímabil heima fyrir. Liðið hafnaði í öðru sæti spænska úrvalsdeildarinnar á eftir erkifjendum sínum í Real Madrid og var liðið gagnrýnt mjög fyrir frammistöðu sína. Pique hvílir sig núna fyrir átökin í Meistaradeildinni sem kláruð verður í ágúst.
Hjörvar Hafliðason, Dr Football, sagði frá því í hlaðvarpi sínu í dag að íslenskur strákur hefði fengið mynd af sér með Pique í Bláa lóninu.
NEW | Shakira and Gerard Piqué at the airport in Barcelona. According to @mundodeportivo, they are going to Iceland.
— shakirastuff (@shakirastuff_) July 22, 2020
With a low coronavirus rate, Iceland is currently one of the safest places in the world. pic.twitter.com/XMT7poQbgH
Athugasemdir