Þjálfarar og fyrirliðar Lengjudeildarinnar spá því að Selfoss hafni í tíunda sæti deildarinnar í sumar.
Hægt er að lesa umfjöllun um Selfoss með því að smella hérna.
Hægt er að lesa umfjöllun um Selfoss með því að smella hérna.
Eiður Ben Eiríksson, Rafn Markús Vilbergsson og Úlfur Blandon eru sérfræðingar Fótbolta.net fyrir Lengjudeildina í ár. Rafn gaf sitt álit á liði Selfoss.
Hann telur að sóknarmaðurinn Hrvoje Tokic sé þeirra helsti lykilmaður.
„Sóknarmaðurinn Hrvoje Tokic er lykilmaður í sóknarleik hjá Selfossi. Til þess að liðið haldi sæti sínu í deildinni er mikilvægt að hann komi að mörgum mörkum og stoðsendingum í sumar," segir Rafn.
<>„Frá því hann kom á Ólafsvík árið 2015 þar sem hann sló í gegn hefur hann skorað 70 mörk í 95 deildarleikjum í þremur efstu deildunum og var markahæsti og besti leikmaður 2. deildar í fyrra. Eftir tvö ár í 2. deildinni er spurning hvernig hann kemur inn í Lengjudeildina, hvort hann haldi áfram að raða inn mörkum eða hvort hann nái ekki sama flugi í mun sterkari deild."
Hinn þrítugi Tokic hefur verið á Selfossi frá 2018 en hann hefur einnig spilað með Víkingi Ólafsvík og Breiðablik hér á landi. Hann hefur skorað 19 mörk í 18 leikjum í næst efstu deild á Íslandi fyrir þetta tímabil.
Athugasemdir