Miðjumaðurinn Renato Sanches kveðst vera tilbúinn að yfirgefa herbúðir Lille í janúar.
Sanches hefur náð ferli sínum aftur á flug í Frakklandi eftir erfiða tíma hjá Bayern München í Þýskalandi. Hann stóð sig líka illa á láni hjá Swansea í ensku úrvalsdeildinni.
Hann er búinn að standa sig vel með Lille og er eftirsóttur af stærri félögum. Sanches segist tilbúinn að taka næsta skref.
„Þegar ég fór fyrst til Bayern, þá var ég ekki tilbúinn að spila í það stóru félagi. Ég var mjög ungur... í dag er ég tilbúinn. Ég skil fótbolta betur, ég er með meiri reynslu."
Sanches hefur meðal annars verið orðaður við AC Milan, Arsenal og Liverpool.
Athugasemdir