Gerrard sneri aftur á Anfield um helgina þegar hann skoraði sigurmarkið í sigri goðsagna Liverpool gegn goðsagna AC Milan.

Margir af þeim sem spiluðu úrslitaleik Meistaradeildarinnar 2005 spiluðu leikinn. Það er einn besti leikur sem spilaður hefur verið í Meistaradeildinni. Liverpool kom til baka gegn AC Milan eftir að hafa lent 3-0 undir og vann í vítaspyrnukeppni.

Eftir leikinn, sem var á laugardag, ræddi Gerrard við BBC. Það var ekki komist hjá því að spyrja hann út í gengi Liverpool á þessu tímabili.

Liverpool er sem stendur á toppnum með tveimur stigum meira en Manchester City, sem á þó leik til góða.

„Ég er í vinnu og öll mín einbeiting er auðvitað á Rangers, en ég er með auga á Anfield. Ég vona bara að strákarnir geti komið okkur yfir línuna. Ég yrði ánægðasti maður í heimi," sagði Gerrard.

Liverpool varð síðast Englandsmeistari 1990 en komst mjög nálægt því 2014 þegar Gerrard var fyrirliði.