Jamaíka tapaði undanúrslitaleik gegn Bandaríkjunum á dögunum, 3-1, á meðan Panama tapaði fyrir Mexíkó.

Lærisveinar Heimis voru grátlega nálægt því að komast í úrslit en liðið leiddi 1-0 gegn Bandaríkjunum en fengu á sig jöfnunarmark þegar 35 sekúndur voru eftir af uppbótartímanum. Það dró allan mátt úr Jamaíku sem fékk á sig tvö í framlengingunni og tapaði leiknum.

Jamaíka bætti upp fyrir það súra tap í nótt. Dexter Lembikisa, leikmaður Hearts, skoraði eina markið á 42. mínútu eftir sendingu Michael Hector í annars nokkuð jöfnum leik.

Heimir og hans menn höfnuðu því í 3. sæti Þjóðadeildarinnar þetta árið, en mögnuð frammistaða liðsins skilaði því á Copa America-mótið sem fer fram í Bandaríkjunum í sumar.