Lestu um leikinn: Valur 6 -  1 Tindastóll

Valur hefur verið gríðarlega sannfærandi frá tapinu gegn Blikum en liðið hefur síðan þá unnið tíu leiki og gert eitt jafntefli.

Tvær umferðir eru eftir af mótinu en Valur tókst að tryggja titilinn í kvöld með 6-1 sigri á Tindastól.

„Mér líður ólýsanlega. Við mættum í leikinn frá fyrstu mínútu og vorum staðráðnar í því að klára leikinn í dag og það gekk svona ljómandi vel upp," sagði Elísa við Fótbolta.net

„Við spiluðum vel, góðan sóknarbolta og þéttar til baka. Það skilaði sex mörkum og eins og ég sagði þá vorum við staðráðnar í að klára þetta í dag og það með stæl."

„Það er alltaf bónus ef maður nær að halda hreinu en svona gerist af og til. Það skiptir okkur ekki máli þegar uppi er staðið."

Vendipunkturinn var tapaði gegn Blikum á Origo-vellinum þegar Blikar unnu 7-3 sigur. Það kveikti í Völsurum.

„Mér finnst hann vinnast þegar við drulluðum við upp á bak á móti Breiðabliki á heimavelli þá snérum við blaðinu gjörsamlega við. Við höfum aldrei litið til baka eftir þá skitu,"

Elísa verður samningslaus eftir þetta tímabil en framtíðin er ekki ráðin. Ef það koma upp áhugaverð tækifæri erlendis þá gæti hún vel hugsað sér að skoða það.

„Það er óljóst. Ég er samningslaus og það verður að koma í ljós."

„Maður veit aldrei. Ef það er eitthvað spennandi sem kemur upp þá skoðar maður það en mér líður gríðarlega vel í Val og ánægð hér. Ég er að bæta mig sem leikmaður og við verðum að sjá hvað gerist," sagði hún í lokin.