Stærstu deildum Evrópu er að ljúka og augun beinast í kjölfarið að félagaskiptamarkaðinum. Sky Sports tók saman lista yfir 20 öfluga leikmenn sem gætu skipt um félag í sumar.
Mesut Özil (Arsenal) - Er úti í kuldanum hjá Mikel Arteta. Risa samningur gæti hins vegar flækt málin.
Lionel Messi (Barcelona) - Hefur oft verið kátari hjá Barcelona. Mun hann spila fyrir annað félag á ferlinum?
Harry Kane (Tottenham) - Þessi mikli markaskorari gaf því undir fótinn á dögunum að hann gæti farið annað.
Ben Chilwell (Leicester) - Chelsea og Manchester City vilja fá Chilwell. Nær Leicester að sannfæra hann um að vera áfram?
Paul Pogba (Manchester United) - Það eru alltaf sögusagnir í gangi með Pogba. Þó þykir líklegra núna að hann framlengi samninginn hjá Manchester United.
Nathan Ake (Bournemouth) - Á förum eftir fall Bournemouth. Manchester City þykir líklegasti áfangastaðurinn.
Philippe Coutinho (Bayern Munchen) - Lánsdvölinni hjá Bayern fer að ljúka og Barcelona virðist hafa lítinn áhuga á að fá Brasilíumanninn aftur. Hvar spilar hann næsta vetur?
Kalidou Koulibaly (Napoli) - Þessi öflugi varnarmaður hefur lengi verið undir smásjá enskra félaga en hár verðmiði flækir málið.
Athugasemdir