Mario Balotelli, framherji Brescia á Ítalíu, eyðilagði myndavél hjá ljósmyndara er lið hans tapaði 3-1 fyrir Genoa í Seríu A í gær.
Balotelli var í byrjunarliði Brescia gegn Genoa en var skipt af velli í síðari hálfleik eftir slaka frammistöðu.
Hann var reiður yfir skiptingunni og sýndi óánægju sína með því að sparka í myndavél. Myndavélin er eyðilögð að sögn eigandans, Massimo Lovati.
„Þegar herra Balotelli var kallaður á bekkinn þá notaði hann myndavélina eins og fótbolta og sparkaði henni í átt að auglýsingaskiltunum. Boltastrákurinn sá hvað gerðist og kallaði á mig til að útskýra þetta fyrir mér," sagði Lovati á Instagram.
„Ég fann myndavélina og hún var augljóslega eyðilögð og hún virkar eki. Ímyndið ykkur að beina pirring ykkar að eigum annarra?" sagði hann ennfremur.
Hann hefur þegar haft samband við Brescia og fer fram á að félagið borgi fyrir viðgerð á myndavélinni. Hér fyrir neðan má sjá myndir af myndavélinni.
Athugasemdir