Gengi AC Milan á tímabilinu hefur ekki verið gott, þeir sitja sem stendur í 11. sæti ítölsku úrvalsdeildarinnar. Zlatan segist vera kominn til að gera allt sem hann getur til að koma AC Milan aftur á rétta braut.

„Ég er að koma aftur til félags sem ég ber mikla virðingu fyrir og borgarinnar sem ég elska, Mílanó."

„Ég mun berjast ásamt liðsfélögum mínum við að koma þessu félagi aftur á rétta braut, ég mun gera allt sem ég get til að láta það ganga eftir," sagði Zlatan eftir að hafa skrifað undir sex mánaða samning við AC Milan.