Melo er 40 ára gamall og spilar enn í dag sem leikmaður hjá Fluminense í heimalandinu eftir farsælan feril með stoppum hjá Juventus, Inter og Galatasaray meðal annars.

Hann á 22 landsleiki að baki og var spurður út í hegðun þessa fyrrum landsliðsfélaga sinna sem voru dæmdir.

„Ég á 15 ára dóttur. Ef þeir myndu gerast sekir um svona brot gegn dóttur minni, þá væri ég ekki hér núna að gefa þetta viðtal," sagði Melo.

„Þeir eiga að borga fyrir það sem þeir gerðu og það verður vonandi öðrum fótboltamönnum að lexíu."