Sigurður Bjartur Hallsson verður samningslaus um áramótin og er farinn að hugsa sér til hreyfings. Hann skoraði sautján mörk í liði Grindavíkur í Lengjudeildinni í sumar og vakti athygli fyrir frammistöðu sína.
Fótbolti.net ræddi við Sigurð í gær og spurði hann út í framtíðaráformin.
Fótbolti.net ræddi við Sigurð í gær og spurði hann út í framtíðaráformin.
Hvað langar þig að gera í vetur?
„Það er svolítið flókið. Ég er að skoða möguleikann á því að fara erlendis. Ég hef einnig rætt við nokkur lið í efstu deild. Ég eiginlega veit það ekki, ég hef ekki tekið ákvörðunina og veit ekki sjálfur hvar ég enda," sagði Sigurður Bjartur.
Ertu ákveðinn í því að taka næsta skref á ferlinum í vetur?
„Já, mig langar að taka skref upp á við núna, finnst það vera rétti tíminn. Ég vil ekki staðna á mínum ferli, mér finnst ég þurfa nýja áskorun á ferlinum. Ég er búinn að vera í Grindavík og GG allt mitt líf. Ég held að það sé orðið löngu tímabært að prófa eitthvað nýtt," sagði Sigurður Bjartur.
Sjá einnig:
Ashley Barnes, Shane Long, eða Sigurður Bjartur?
Athugasemdir
