Hákon Arnar Haraldsson, leikmaður FC Kaupmannahafnar, spilar líklega sinn fyrsta landsleik í hlénu sem er framundan.
Hákon Arnar, sem er fæddur 2003, hefur verið að láta ljós sitt skína í Danmörku ásamt æskuvini sínum Ísaki Bergmanni Jóhannessyni. Kaupmannahöfn vann dönsku deildina á dögunum og léku þeir félagarnir lykilhlutverk á lokakafla tímabilsins.
„Það var geggjað að enda tímabilið svona. Ég meiddist í byrjun janúar og það var erfiður tími en svo fékk ég alveg helling af mínútum á mínu fyrsta tímabili og endaði það frábærlega," sagði Hákon, sem er ekki hissa að hafa fengið spiltíma miðað við eigin frammistöðu í leikjum og á æfingum.
„Það er geggjað að spila með Ísaki, það er draumur. Þegar maður er lítill þá vill maður auðvitað spila með bestu vinum sínum, sérstaklega hjá svona stórum klúbbi eins og FCK."
Sjá einnig:
Ísland æfir í Kaupmannahöfn
