Franski miðjumaðurinn Corentin Tolisso er samningslaus eftir fimm ára dvöl hjá stórveldi FC Bayern.
Hinn 27 ára gamli Tolisso spilaði 118 leiki fyrir félagið, þar af 22 á nýliðinni leiktíð. Þar að auki á hann 28 leiki að baki fyrir franska landsliðið.
Það eru mörg félög sem hafa áhuga á að fá Tolisso á frjálsri sölu í sumar. Juventus, Inter, Real Madrid og Tottenham eru á meðal félaga sem hafa verið nefnd til sögunnar.
Tolisso var lykilmaður í liði Lyon áður en hann var keyptur til Bayern fyrir tæplega 50 milljónir evra.
Leikmaðurinn vann allt mögulegt með Bayern, þar á meðal Meistaradeildina og HM félagsliða. Þá vann hann HM 2018 með Frakklandi.
Danke für fünf Jahre in 🔴⚪!@CorentinTolisso #MiaSanMia pic.twitter.com/TJVnTlQmnJ
— FC Bayern München (@FCBayern) May 30, 2022
Athugasemdir