Edinson Cavani.
Edinson Cavani fer ekki í landsliðsverkefni með Úrúgvæ og æfir á æfingasvæði Manchester United í landsleikjaglugganum.
Hann hefði misst af leikjum United og þurft að fara í tíu daga sóttkví við endurkomuna til Bretlandseyja ef hann hefði farið i leikina með Úrúgvæ.
Hann hefði misst af leikjum United og þurft að fara í tíu daga sóttkví við endurkomuna til Bretlandseyja ef hann hefði farið i leikina með Úrúgvæ.
Ensk úrvalsdeildarfélög höfðu ákveðið að hleypa leikmönnum ekki í landsleiki í löndum sem eru á rauðum lista hjá Bretum.
Í stað þess að spila með Úrúgvæ gegn Perú, Bólivíu og Ekvador þá mun Cavani verða áfram á Englandi.
Í yfirlýsingu frá úrúgvæska knattspyrnusambandinu er sagt að ákveðið hafi verið að hætta við að kalla Cavani í verkefnið.
Giovani Lo Celso og Cristian Romero, argentínskir leikmenn Tottenham, eru á leið til Argentínu sem er á rauðum lista og munu þeir missa af þremur leikjum Tottenham af þeim sökum.
Athugasemdir
