Inter Miami hefur ráðið fyrsta þjálfara félagsins en Diego Alonso mun stýra liðinu á komandi tímabili.
Alonso hefur áður þjálfað Monterrey og Pachuca í Mexíkó við góðan orðstír en hann gerði Monterrey að meisturum árið 2016 og vann svo Meistaradeildina hjá CONCACAF-sambandinu árið 2017.
Lið hans endaði þá í 3. sæti í HM félagsliða sama ár en hann er nú tekinn við Inter Miami.
David Beckham er eigandi Inter Miami en liðið mun hefja leik í MLS-deildinni þann 14. mars næstkomandi gegn Los Angeles Galaxy.
Félagið hefur verið duglegt síðustu vikur að styrkja hópinn en þó má búast við því að félagið fái nokkur stór nöfn á næstu vikum.
Edinson Cavani, Luis Suarez og David Silva hafa allir verið orðaðir við félagið.
Athugasemdir