„Ég er ekki alveg 100% sáttur með spilamennskuna en sáttur með að vera kominn áfram í bikar. Ég vissi að þetta yrði erfitt, Tindastóll er með mjög gott lið," sagði Vilhjálmur Kári Haraldsson, þjálfari Breiðabliks, eftir sigur gegn Tindstóli í 16-liða úrslitum Mjólkurbikarsins.
Blikar fengu sautján hornspyrnur í leiknum og skoruðu upp úr einni slíkri. Er Villi sáttur með það?
Blikar fengu sautján hornspyrnur í leiknum og skoruðu upp úr einni slíkri. Er Villi sáttur með það?
Lestu um leikinn: Breiðablik 2 - 1 Tindastóll
„Við erum með mjög góða leikmenn að taka hornspyrnu en hún (Amber) las þetta vel í markinu hjá Tindastól, margar spyrnurnar. Stundum er það þannig að þú hittir ekki á það eins og í nokkrum spyrnunum. Við erum mjög sterkar og öflugar í hornspyrnum, það er ekki spurning."
Breiðablik hélt boltanum talsvert meira en gestirnir í dag. Var Villi svekktur með að búa ekki til fleiri dauðafæri?
„Ég held að þegar þú spilar á móti Tindastól þá er það ekki þannig. Þær liggja frekar aftarlega og erfitt að skapa sér stöður einn á móti markmanni. Þetta er öflugt lið og erfitt að spila við þær, engin tilviljun að þær eru búnar að standa sig vel í sumar."
Breiðablik, eins og önnur lið í efstu deild, þarf að vinna fjóra leiki til að lyfta Mjólkurbikarnum. Það hlýtur að vera að stefnan?
„Já, það er krafan í Kópavoginum að vera í fremstu röð og reyna að taka þátt í keppni um alla titla."
„Í dag spiluðum við töluvert á breiddinni, margir leikmenn sem höfðu spilað minna fengu að spila mikið. Það er mikilvægt að leyfa leikmönnum að þroskast og þróast með mínútum á vellinum," sagði Villi aðspurður um leikmannahópinn.
Hann var að lokum spurður út í Andreu Rán sem er á leið í atvinnumennsku. „Hún er að fara í atvinnumennsku og það kemur allt um það á morgun. Ég veit ekki nákvæmlega hvenær hún fer út," sagði Villi.
Viðtalið í heild má sjá í spilaranum hér að ofan
Athugasemdir