Lyngby hafnaði í 2. sæti B-deildarinnar á þessari leiktíð og kom sér þannig upp í efstu deild þrátt fyrir mikil skakkaföll.

Danska félagið er þegar byrjað að undirbúa sig fyrir næsta tímabil og er þar efstur á lista markahæsti maður B-deildarinnar.

Það er Mathias Kristensen, leikmaður Nyköbing FC, en hann gerði 18 mörk í B-deildinni á tímabilinu og var valinn leikmaður ársins.

Samkvæmt Bold.dk er aðeins formsatriði að Kristensen gangi til liðs við félagið en hann er búinn í læknisskoðun og verður líklega gengið frá helstu smáatriðum á næstu dögum.

Kristensen er 28 ára gamall og hefur spilað með Nyköbing frá 2019 en þar áður lék hann með Horsens.