Elsku Ed,
Ég held að þú sért vænsti piltur. Ég held líka að þú sért fagmaður á þínu sviði; fjárhagslega hliðin hjá Manchester United ber þess augljós merki. Það væri ósanngjarnt að meta heildar frammistöðu þína í starfi eftir stöðu liðsins okkar í deildinni í dag, enda er það ekki endilega það sem þínir yfirmenn horfa á. Ég gef mér það að þú sért ekki yfir það hafin að lesa blöð, samfélagsmiðla og allt skvaldrið sem núna flæðir um allt og finnir þessvegna pressuna sem nú er á þér og örugglega öllum starfsmönnum klúbbsins. Menn horfa til þín; sumir til að kenna þér um allt vesenið og sumir vegna þess að þú hefur vald til að kenna stjóranum um og segja upp samningi hans. En, ég er hér til að segja þér að það eru ekki allir stuðningsmenn United sem hugsa svona. Ég er hér til að biðja þig um að anda með nefinu. Nú er ekki tíminn til að láta undan pressunni og toga í gikkinn, sem ég þykist vita að vísifingurinn dregst nú hægt og rólega að. Elsku Ed, ekki fara á taugum. Meira »
