Cardiff var nýbúið að kaupa Sala á fimmtán milljónir punda og gera hann að dýrasta leikmanni í sögu félagsins. Warnock hafði lengi fylgst með Sala en framherjinn hafði raðað inn mörkum með Nantes í Frakklandi.

„Hann var Neil Warnock týpa af leikmanni. Ég var alltaf á því að hann væri sú týpa af leikmanni sem gæti skorað tíu eða fimmtán mörk fyrir mig í úrvalsdeildinni á hverju ári. Það var samt ekki bara það, hann var líka mikill liðsmaður," sagði Warnock á fréttamannafundi í dag.

„Hann passar inn í það sem ég er að leita hjá leikmanni. Leikmaður sem hefði getað gert eitthvað sérstakt en var á sama tíma mjög góður strákur."

„Hann var á besta aldri og hann vildi sanna sig. Hann hafði verið í þægilegu umhverfi í Frakklandi þar sem hann hafði bætt sig á hverju ári."

„Ég tel að hann hafi verið tilbúinn en kannski smá hræddur við áskorunina sem er framundan. Hann vissi að hann þyrfti að taka skrefið. Ég taldi að hann gæti skorað mörk í ensku úrvalsdeildinni og hann var á sama máli."