Fullt nafn: Björg Gunnlaugsdóttir

Gælunafn: Er yfirleitt alltaf kölluð Björg en fæ stundum Bjögga

Aldur: 17 ára

Hjúskaparstaða: Föstu

Hvenær lékstu þinn fyrsta leik með meistaraflokki og er eitthvað minnistætt úr leiknum: Júní 2020, ég átti eina stoðsendingu og stóran part í öðru marki og síðan voru 2 rauð spjöld

Uppáhalds drykkur: Pepsi maxið klikkar aldrei

Uppáhalds matsölustaður: Askur pizzeria er gott þegar það er ekkert til að borða en síðan er Serrano alltaf klassískt

Hvernig bíl áttu: Á ekki bíl

Áttu hlutabréf eða rafmynt: Neibb

Uppáhalds sjónvarpsþáttur: Rookie er efst á lista núna síðan eru flestar Love Island seríur góðar

Uppáhalds tónlistarmaður: Úff á eiginlega engan uppáhalds, margir mjög góðir

Uppáhalds hlaðvarp: Hlusta ekki mikið á hlaðvörp en Blökastið/FM95blö væri þá efst á lista

Uppáhalds samfélagsmiðill: Mörg skemmtileg video á TikTok

Fyrsta síðan sem þú ferð á þegar þú opnar netið: Snapchat

Fyndnasti Íslendingurinn: Steindi

Hvernig hljómar síðasta sms sem þú fékkst: “Ja” frá kærastanum

Hvaða liði myndir þú aldrei spila með: Það er ekkert sérstakt en ef ég þyrfti að nefna eitt þá kannski bara ÍBV vegna þess að ég myndi fá svo mikla innilokunarkennd á því að búa á lítilli eyju

Besti leikmaður sem þú hefur mætt: Agla María

Besti þjálfarinn sem hefur þjálfað þig: Sigga Baxter og Björgvin Karl

Mest óþolandi leikmaður sem þú hefur mætt: Líklegast Mist í Fylki hún er pirrandi góð

Hver var fyrirmyndin þín í­ æsku: Sara Björk í fótbolta og Áslaug Munda í lífinu ;)

Sætasti sigurinn: Vinna aðra deildina á móti Fjölni í framlengingu 2021

Mestu vonbrigðin: Þegar ég losnaði úr einangrun degi áður en ég átti að spila fyrsta U-16 ára landsleikinn minn svo ég þurfti að horfa á hann

Uppáhalds lið í enska: Manchester City

Ef þú fengir að velja einn leikmann úr öðru íslensku liði í þitt lið: Áslaug Munda

Efnilegasti knattspyrnumaður/kona landsins: Vigdís Lilja

Fallegasti knattspyrnumaðurinn á Íslandi: Kristófer Bjarki

Fallegasta knattspyrnukonan á Íslandi: Áslaug Munda

Besti knattspyrnumaðurinn frá upphafi: Messi

Hver er mesti höstlerinn í­ liðinu: Áslaug María

Uppáhalds staður á Íslandi: Hjá ömmu í Ekru í Öxarfirði

Segðu okkur frá skemmtilegu atviki sem gerst hefur í leik: Man ekki eftir neinu sérstöku en kannski þegar við kepptum við Breiðablik og Áslaugu Mundu systur mína í bikarnum í hittifyrra

Ertu með einhverja hjátrú tengda fótbolta: Mei, en ég spila bara alltaf í sama toppnum

Fyrir utan knattspyrnu, fylgist þú með öðrum íþróttum: Já, landsliðunum í handbolta og stórmótum í frjálsum og fimleikum og svo aðeins í körfubolta

Í hvernig fótboltaskóm spilar þú: Adidas predator

Í hverju varstu/ertu lélegastur í­ skóla: Myndi segja ensku

Vandræðalegasta augnablik: Þegar ég var flutt aftur til Egilsstaða frá Húsavík og við vorum að keppa og mamma var alltaf að kalla inn á “áfram Völsungur” í staðinn fyrir Höttur og fattaði það ekki fyrr en önnur kona sagði henni frá því

Hvaða þrjá leikmenn tækir þú með þér á eyðieyju og af hverju: Ársól til að vernda og hjúkra okkur, Rósey upp á vitið og Írisi Völu upp á félagsskap

Hvern í liðinu þínu myndirðu velja til að taka þátt í sjónvarpsþáttaröð: Held ég myndi senda Hafdísi í Love Island

Sturluð staðreynd um sjálfan þig: Hef orðið 15x íslandsmeistari í frjálsum

Hvaða samherji hefur komið þér mest á óvart eftir að þú kynntist honum og af hverju: Líklegast Hafdís, kom mér á óvart hversu opin hún er

Hverju laugstu síðast: Man ekki????

Hvað er leiðinlegast að gera á æfingum: uppspil og færslur

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi spyrja Kevin De Bruyne um öll leyndarmálin hans til að ná svona langt