Nottingham Forest hefur verið ótrúlegt á leikmannamarkaðinum í sumar og mun vera búið að krækja í 22 leikmenn þegar glugginn lokar, ef allt gengur upp í kvöld.
Félagið er að ganga frá þremur öðrum leikmannakaupum í kvöld og verður þá búið að kaupa það sem jafngildir tveimur fótboltaliðum á sínu fyrsta undirbúningstímabili fyrir ensku úrvalsdeildina síðan 1998-99.
Varnarmaðurinn Loic Badé er að koma á lánssamningi frá Rennes með kaupmöguleika, bakvörðurinn Serge Aurier er að koma á frjálsri sölu og belgíski sóknarmaðurinn Michy Batshuayi frá Chelsea.
Forest er með fjögur stig eftir fimm fyrstu umferðir úrvalsdeildartímabilsins. Liðið sigraði West Ham og náði jafntefli gegn Everton.
Athugasemdir
