Smit var að klára sitt annað tímabil með Leikni í Breiðholti. Hann hjálpaði liðinu að komast upp í efstu deild á síðasta ári og átti svo mjög fínt tímabil í efstu deild. Leiknir hafnaði í áttunda sæti deildarinnar.

Fram kemur í frétt hjá Vísi að Smit hafi bjargað tvöfalt fleiri mörkum en næsti markvörður Pepsi Max-deildarinnar í sumar.

Smit er 25 ára gamall og lék með NEC og FC Eindhoven í heimalandi sínu, Hollandi, áður en hann kom til Íslands í fyrra.

Hann skrifar undir tveggja ára samning við Val. Framtíð Hannesar Þórs Halldórssonar hjá félaginu er í óvissu.