Peter Crouch, fyrrum landsliðsframherji Englands, mun stjórna nýjum spjallþætti á BBC. Þetta kemur fram á Mirror.
Crouch lagði skóna á hilluna eftir síðasta tímabil þar sem hann kom við sögu í sex úrvalsdeildarleikjum með Burnley. Hann lék einnig með félögum á borð við Tottenham og Liverpool á ferli sínum.
Crouch hefur hrifið stjórnendur BBC með hlaðvarpi sínu á BBC Radio 5 Live og nú er það í kortunum að hann fái sinn eigin spjallþátt í anda þátta sem Jimmy Fallon, Jimmy Kimmel, James Corden og fleiri stjórna í Bandaríkjunum.
Nú þegar er farið að skoða hvaða gesti eigi að fá í þáttinn hjá Crouch. Mirror nefnir tónlistarmanninn Harry Styles, fyrrum fótboltamanninn David Beckham og grínistann Jack Whitehall.
Athugasemdir