Kristinn Freyr Sigurðsson er búinn að semja við FH og spilar undir stjórn Ólafs Jóhannessonar í Kaplakrika á næsta tímabili samkvæmt heimildum Fótbolta.net.
Samningur þessa frábæra sóknarmiðjumanns við Val er að renna út og hefur hann ákveðið að ganga í raðir FH.
Dr. Football greindi fyrst frá á Twitter í morgun að Kristinn væri að ganga í raðir FH í dag.
Kristinn og Ólafur þekkjast vel enda urðu þeir Íslandsmeistarar saman hjá Val 2016 og 2018. Kristinn er 29 ára sóknarmiðjumaður og var valinn leikmaður ársins 2016.
Kristinn gekk í raðir Vals 2012. Árið 2017 spilaði hann fyrir Sundsvall en kom svo aftur á Hliðarenda árið eftir.
Framtíð Kristins hefur verið talsvert í umræðunni en hann fundaði meðal annars með Breiðabliki áður en hann ákvað að semja við FH-inga.
Athugasemdir