Danielle Julia Marcano skoraði fyrstu tvö mörk sín í Bestu deildinni í kvöld er Þróttur R. vann Aftureldingu 4-2 í Laugardalnum.
Lestu um leikinn: Þróttur R. 4 - 2 Afturelding
Danielle kom til Íslands á síðasta ári og spilaði með HK í Lengjudeildinni en samdi svo við Þrótt eftir tímabilið.
Hún hefur spilað vel í fyrstu tveimur leikjum Bestu deildarinnar og skoraði svo sín fyrstu mörk í kvöld.
„Mjög vel. Liðið spilaði vel og við virkilega unnum fyrir þessu," sagði Danielle við Fótbolta.net.
„Þetta var mjög spennandi og þetta var á báða bóga og sérstaklega í seinni hálfleik en frábært að ná að klára þetta."
Danielle var ánægð með mörkin tvö og þakkaði liðsfélögunum fyrir.
„Já, ég hefði ekki getað þetta án liðsins. Frábærar sendingar og ég var bara þarna til að klára þetta."
Hún tók skrefið upp úr Lengjudeildinni og upp í Bestu en hún segir að deildin sé krefjandi.
„Það er mikil áskorun hérna og ég er að læra mikið af öllum liðsfélögunum mínum," sagði hún ennfremur.
Athugasemdir