Sigurbergur Áki Jörundsson mun spila með Gróttu í sumar á láni frá Stjörnunni.
Sigurbergur, sem er fæddur árið 2004, er uppalinn Stjörnumaður og komið við sögu með meistaraflokki liðsins á undirbúningstímabilinu en hann lék þrjá leiki í Lengjubikarnum.
Hann mun spila með Gróttu í Lengjudeildinni á láni frá Stjörnunni í sumar en hann er kominn með leikheimild og verður því klár í fyrstu umferð mótsins.
Sigurbergur á að baki þrjá landsleiki fyrir U16 ára landslið Íslands og þykir með efnilegri leikmönnum Stjörnunnar en hann var lítið með á síðasta ári eftir að hafa slitið krossband.
Fyrsti leikur Gróttu er gegn Vestra á Vivaldi-vellinum á sunnudag.
Athugasemdir