Tveir leikir fóru fram í 2. deild kvenna í dag en spilað er í úrslitakeppninni.
Fjölnir og Völsungur áttust við fyrir norðan en fyrri leik liðanna lauk með 2-0 sigri Fjölnis.
Það var mikil dramatík í leiknum í dag. Völsungur komst í 3-0 forystu og leit lengi vel út fyrir það að liðið væri að fara upp í Lengjudeildina.
Fjölnir skoraði hins vegar tvö mörk undir lok leiks sem dugði liðinu til sigurs í einvíginu. Hrafnhildur Árnadóttir og Sara Montoro gerðu mörkin fyrir gestina sem skutu Fjölni upp um deild.
Fyrir austan áttust við Fjarðabyggð/Höttur/Huginn og Fram. Fyrri leiknum lauk með 1-1 jafntefli en í dag reyndist Fjarðabyggð/Höttur/Huginn sterkari og vann öruggan 3-0 sigur og er því liðið komið upp í Lengjudeildina ásamt Fjölni.
Völsungur 3-2 Fjölnir
1-0 Samara De Freitas Martins Lino ('10)
2-0 Sarah Catherine Elnicky ('73)
3-0 Sarah Catherine Elnicky ('78)
3-1 Hrafnhildur Árnadóttir ('89)
3-2 Sara Montoro ('90)
Fjarðabyggð/Höttur/Huginn 3-0 Fram
1-0 Björg Gunnlaugsdóttir ('13)
2-0 Freyja Karín Þorvarðardóttir ('59)
3-0 Katrín Edda Jónsdóttir ('90)
Athugasemdir