Keflavík tók á móti Gróttu í næstsíðustu umferð tímabilsins í Lengjudeild kvenna og var komið í tveggja marka forystu á fyrsta korterinu.

Paula Watnick og fyrirliðinn Natasha Moraa Anasi sáu um markaskorunina áður en Bjargey Sigurborg Ólafsson minnkaði muninn fyrir Gróttu.

Keflavík var með fín tök á leiknum og tvöfaldaði Kristrún Ýr Hólm forystuna á ný á 64. mínútu.

Seltirningar ógnuðu ekki sigri Keflavíkur sem mun leika í Pepsi Max-deildinni á næstu leiktíð.