Þorsteinn tekur við af Andra Marteinssyni sem aðstoðarþjálfari hjá meistaraflokki og 2. flokki kvenna.

Hann mun því vera John Henry Andrews til aðstoðar á næstu leiktíð auk þess að sjá um markmannsþjálfun hjá 3. og 4. flokki Víkings, bæði í karla- og kvennaflokki. Ásamt þessu mun Steini koma að mótun markmannsþjálfunar fyrir yngstu iðkendurna.

Þorsteinn, sem er með UEFA A gráðu í markmannsþjálfun, hefur mikla reynslu á sínu sviði og starfaði síðast með Elísabetu Gunnarsdóttur og Birni Sigurbjörnssyni hjá Kristianstad í Svíþjóð en þar áður var hann hjá Fylki og ÍBV.

„Við bjóðum Þorstein velkominn til starfa og væntum mikils af honum," segir í færslu Víkings.

Víkingur R. endaði í 4. sæti Lengjudeildarinnar í haust með 31 stig úr 18 leikjum.