Það styttist í að byrjunarliðin úr stórleik kvöldsins úr ítalska boltanum verði tilkynnt. Þar eigast Inter og Milan við í nágrannaslag sem gæti reynst afar mikilvægur í toppbaráttunni.
Miðvörðurinn Milan Skriniar, sem er búinn að samþykkja samning hjá Frakklandsmeisturum Paris Saint-Germain fyrir næsta sumar, verður áfram í byrjunarliði Inter en fær ekki að bera fyrirliðaband félagsins.
Skriniar er einn af fjórum fyrirliðum en hefur borið fyrirliðabandið stærsta hluta tímabilsins. Samir Handanovic og Danilo D'Ambrosio eru afar sjaldan í byrjunarliðinu og hefur Marcelo Brozovic misst af nokkrum mánuðum vegna meiðsla.
Simone Inzaghi, þjálfari Inter, staðfesti þetta á fréttamannafundi í gær.
Lautaro Martinez mun taka við stöðu Skriniar í fyrirliðahópi Inter.