Glódís Perla Viggósdóttir og Sveindís Jane Jónsdóttir eru komnar í undanúrslit þýska bikarsins eftir sigra gegn Jena og Hoffenheim.
FC Bayern lagði Jena að velli þar sem Glódís var í byrjunarliðinu á meðan Sveindís kom inn af bekknum í sigri Wolfsburg gegn Hoffenheim.
Karólína Lea Vilhjálmsdóttir lék þá allan leikinn er Bayer Leverkusen tapaði heimaleik gegn SGS Essen. Essen komst í tveggja marka forystu fyrir leikhlé og minnkaði Leverkusen muninn í seinni hálfleik en tókst ekki að jafna.
Bayern, Wolfsburg og Essen eru því komin í undanúrslitin ásamt Eintracht Frankfurt.
Í karlaboltanum lék Óttar Magnús Karlsson allan leikinn í 1-1 jafntefli Vis Pesaro gegn Pineto í C-deild ítalska boltans. Vis Pesaro er þar aðeins tveimur stigum fyrir ofan fallsvæðið þegar átta umferðir eru eftir.
Að lokum var Brynjar Ingi Bjarnason í sigurliði Ham-Kam gegn Kongsvinger í æfingaleik í Noregi og byrjaði Viðar Ari Jónsson á bekknum.
Bayer Leverkusen 1 - 2 Essen
Hoffenheim 0 - 3 Wolfsburg
Jena 0 - 3 Bayern
Pineto 1 - 1 Vis Pesaro
HamKam 3 - 1 Kongsvinger
Athugasemdir
