Leikur Chelsea og Ajax í Meistaradeildinni í kvöld var hreint út sagt mögnuð skemmtun.
Ajax komst í 4-1, en í stöðunni 4-2 missti hollenska liðið tvo menn af velli með rauð spjöld á nánast sama tíma.
Daley Blind fékk gult spjald fyrir tæklingu á Tammy Abraham, hans annað gula spjald og þar með rautt.
Gianluca Rocchi, ítalskur dómari leiksins, leyfði leiknum að halda áfram eftir brot Blind. Í kjölfarið á brotinu átti Callum Hudson-Odoi skot sem fór í höndina á Joel Veltman.
Rocchi dæmdi vítaspyrnu og gaf Veltman gult spjald, hans annað gula spjald og þar með rautt.
Myndskeið af þessu má sjá hér.
Jorginho skoraði úr vítaspyrnu og jafnaði Reece James metin stuttu síðar. Níu leikmenn Ajax náðu hins vegar að halda út.
Athugasemdir