Leonardo Spinazzola varð fyrir því óláni að slíta hásin undir lok leiks Belgíu og Ítalíu á föstudag. Liðin mættust í 8-liða úrslitum EM og lagði Ítalía efsta lið heimslistans 2-1.
Spinzzola er búinn að fara í aðgerð og verður hann frá í um sex mánuði.
Spinzzola er búinn að fara í aðgerð og verður hann frá í um sex mánuði.
Spinazzola er 28 ára gamall og er leikmaður Roma og hafði hann vakið mikla athygli fyrir frammistöðuna á EM en hann hefur verið einn öflugasti bakvörður mótsins.
„Aðgerðin gekk fullkomlega," skrifaði hann á Instagram í gær. „Ég vil þakka öllum sem hafa sýnt mér stuðning. Niðurtalningin er hafin."
Það voru sögur um að Tottenham hefði áhuga á bakverðinum en ekkert verður úr því að hann fari frá Roma vegna meiðslanna.
Ítalía mætir Spáni í undanúrslitum EM í kvöld
Athugasemdir
