Liverpool heldur áfram viðræðum við umboðsmenn Mohamed Salah (29) um nýjan samning. (Liverpool Echo)

Thomas Tuchel, stjóri Chelsea, vill fá þýska vængmanninn Leroy Sane (25) frá Bayern München. Sane er fyrrum leikmaður Manchester City en hann hefur ekki fundið sig almennilega síðan hann gekk í raðir Bæjara. (Express)

Tottenham er tilbúið að nota Tanguy Ndombele (24) sem hluta af tilboði í Franck Kessie (24), miðjumann Fílabeinsstrandarinnar. (Calciomercato)

Kólumbíski miðjumaðurinn James Rodriguez (30) hjá Everton hefur verið orðaður við tyrkneska félagið Istanbul Basaksehir. Glugganum í Tyrklandi verður lokað á miðvikudag. (Footmercato)

Julen Lopetegui, stjóri Sevilla, segir að spænska félagið hafi ekki viljandi komið í veg fyrir að franski varnarmaðurinn Jules Kounde (22) hafi farið til Chelsea í sumar en hafi talið betra að hann yrði áfram eftir að hafa skoðað tilboðin sem komu. (Diario de Sevilla)

Mohamed Elneny (29), egypski miðjumaðurinn hjá Arsenal, er áfram orðaður við Besiktas. Launakröfur leikmannsins setja stórt strik í reikninginn. (Mirror)

Marc Overmars, yfirmaður fótboltamála hjá Ajax, segir að kamerúnski markvörðurinn Andre Onana (25) gæti farið á frjálsri sölu næsta sumar. Hann er á óskalista Arsenal. (Team Talk)

Ítalíumeistarar Inter gætu einnig reynt að fá Onana en þeir leita að arftaka slóvenska markvarðarins Samir Handanovic. (Calciomercato)

Hjá Paris St-Germain eru menn vongóðir um að franski sóknarmaðurinn Kylian Mbappe (22) geri nýjan samning þrátt fyrir vilja hans til að ganga í raðir Real Madrid. (Athletic)

Joan Laporta, forseti Barcelona, hefur sagt Ronald Koeman að nota spænska miðjumanninn Riqui Puig (22) og franska varnarmanninn Samuel Umtiti (27) meira. (Marca)